देवांच्या अवताराची कहाणी

II देवांच्या अवताराची कहाणी II 

बुवा सांगत आपल्याच देशात लय युगं आले,

हरेक युगांत देवादिकांचे अवतारं खुप झाले (धृ)

विष्णुन तर म्हणे कधी संपच नाही केला;

प्रत्येक युगांत एक तरी अवतार त्याचा झाला,

असं म्हणून बुवा आपले पुराणात गेले (1)

कच्छ,मच्छ,वराह झाला म्हणे कधी झाला नरसिंह;

तोंड होतं सिंहाचं म्हणे माणसाचा त्याचा देह,

मग प्रश्न पडला नरसिंहाचे शेपूट कोणी नेले? (2)

परशुराम,राम,मोहिनी कधी झाला किशन;

बायकांना छेडण्याचं फक्त त्याच मिशन,

कळे नाही सोळासहस्त्र बायकांचे त्याने रेकाॅर्ड कसे केले? (3)

आता म्हणे अवतार त्याचा सुरु आहे कली;

जो चालेल ईमानानं त्याचाच जाईल बली,

बेईमानांना सांभाळण्याचे काम आता कलीवरती आले. (4)

कलीपायीच म्हणे हे खूनखराबे होतात;

म्हणून लोकं भीतात अन् देवळामंधी जातात,

पण शस्त्रांपासून देवांचेही हात होत नाही वाले. (5)

सगळं ऐकून माझा पारा आधीच खूप चढला;

उकरुन त्यात मुद्दा बुवानं ब्रम्हदेवाचा काढला,

म्हणे ब्रम्हदेवानं तर मायबापहो हे जग निर्माण केले. (6)

कथा त्याची ऐकतांना एक बाब ध्यानात आली;

की, ब्रम्हदेवाला गर्भधारणा कोणापासून झाली?

पण ऐकावं आधी म्हणल मग कराव बुवाला खुले. (7)

बुवा सांगे ब्रम्हदेव म्हणजे सृष्टीची माय;

त्या देवाची कहाणी लय अजब गजब हाय,

कुत्र्यावाणी म्हणे त्याले चार पिल्लं झाले.(8)

पुढे सांगे बुवा म्हणे ब्रम्हदेव व्याला;

ब्राम्हण,क्षत्रिय,वैश्य,शुद्र या चौघांची माय झाला,

कळत नव्हतं ब्रम्हानं बाईचे कसबचं कसे केले? (9) 

वैश्य निघाला मांडीतून म्हणे क्षत्रिय निघाला दंडातून;

शुद्र निघाला पायातून तर ब्राम्हण निघाला तोंडातून,

चार ठिकाणी जननद्वारं ब्रम्हाला कसे आले? (10)

पुन्हा एक प्रश्न मग ऐरणीवरती आला;

विचार करत होतो ब्रम्हानं नवरा कधी केला?

विचारलं जेव्हा याबद्दल कोणीच नाही बोले.(11)

एकच मुल देतांना माय देते किती कळा;

चार जंदताना ब्रम्हाने कुठे शिंपला रक्ताचा सळा(सडा),

नऊ महिण्याचे डोहाळे याचे पुरे कोणी केले? (12)

विचार करता करता एक अजून ध्यानात आलं; की गर्भपिशवीचं रोपणं ब्रम्हाच्या उदरात कोणी केलं?

टेस्ट ट्यूब बेबीचे तेव्हा टेक्निक नव्हते आले. (13)

स्त्रियांसारखा मासिक धर्म आधी ब्रम्हालाही आला;

म्हणूनच ब्रम्हदेव गर्भवती झाला,

अरे सव्वा महिण्याचे पत्थ्य कसे यानं केले? (14)

अरे तंत्रज्ञानाचा मित्रहो काळ एवढा आला;

पण अजूनही हिजडा मायबाप नाही झाला,

मग ब्रम्हालाच जंदायचे(व्यायचे)टेक्निक कसे आले? (15)                     

आपल्या देशांतच देवांचे अवतारचं कसे झाले?