डॉ. आंबेडकर आणि विवेकानंद लवकरच नोटांवर दिसणार !
नवी दिल्ली | भारतात चलनी नोटांवर लवकरच डॉ. बाबासाहेब आंबेडकर आणि स्वामी विवेकानंद यांचे छायाचित्र दिसणार आहेत. तसा प्रस्ताव राष्ट्रीय सल्लागार परिषदेने केंद्राकडे पाठविला आहे. शिक्षण, अर्थ, आणि नियोजन विषयातील तज्ञ डॉ. नरेंद्र जाधव यांनी या नोटांवर महात्मा गांधी यांच्याशिवाय डॉ. बाबासाहेब आंबेडकर आणि स्वामी विवेकानंद यांची छायाचित्रे असावीत अशी सूचना केली आहे.
कोणत्याही देशातील करन्सीवर त्या देशांतील दिग्गज नेत्यांची छायाचित्रे असतात. भारतात १९९६ पूर्वी नोटांवर महात्मा गांधीव्यतिरिक्त अशोक स्तंभाचा फोटो छापण्यात येत होता. मात्र गेल्या काही वर्षांपासून सर्व नोटांवर महात्मा गांधींचे फोटो आहेत. यात बदल करून डॉ. आंबेडकर आणि स्वामी विवेकानंद यांचे फोटो छापले जावेत. असे मत जाधव यांनी बैठकीत व्यक्त केले. समितीच्या पहिल्याच बैठकीमध्ये मी पंतप्रधान नरेंद्र मोदी यांना ही सूचना केली आहे, असे जाधव यांनी सांगितले आहे.
जाधव यांनी केलेली सूचना केंद्र सरकार मान्य करेल की नाही यासाठी काही काळ वाट पाहावी लागणार आहे. मात्र, नुकतीच सरकारने डॉ. बाबासाहेब आंबेडकरांचे छायाचित्रे असलेली नाणी जारी केली आहेत. भारतीय नोटांवर डॉ. आंबेडकर यांचा फोटो असणे हे एक महत्वाचे पाऊल असेल, असे जाधव यांचे मत आहे.
सोनिया गांधी यांच्या अध्यक्षतेखाली एनएसीमधील जाधव हे एकमेव सदस्य आहेत ज्यांना मोदी सरकारमध्ये महत्वाचे स्थान दिले आहे.
--
#आधी विचार जन्म घेतात, मग कृती ! - स्वामी विवेकानंद
No comments:
Post a Comment