धम्माच्या प्रचार व प्रसारासाठी संपूर्ण जगातील बौध्दांचे एकच प्रतीक असावे , या विचाराने सन १८८० मध्ये श्रीलंकेचे अनागारिक देवमित्र धम्मपाल , महास्थविर गुणानंद , सुमंगल , बौध्द विव्दान जी . आर. डिसिल्वा इत्यादिनी मिळून निळा , पिवळा , लाल , पांढरा व केसरी अशा पाच रंगाच्या उभ्या व आडव्या पट्ट्यामध्ये ' विश्व बौध्द ध्वजा ' ची निर्मिती केली आहे . कालांतराने त्याला विश्व मान्यता प्राप्त झाली . याला पाली भाषेत ' षडरोशनी ध्वज ' किंवा ' धम्म ध्वज ' असे म्हणतात .
हा पाच रंगाचा ध्वज आहे म्हणून याला ' पंचशील ध्वज ' किंवा ' पंचरंगी ध्वज ' असे कदापी म्हणू नये .
पाच रंग
१) निळा :--- शांती व प्रेमाचे
प्रतीक .
२) पिवळा :--- तेज व उत्साहाचे
प्रतीक .
३) लाल :--- शौर्य व धैर्याचे
प्रतीक .
४) पांढरा :--- शुध्दता व निर्मळ-
- तेचे प्रतीक .
५) केसरी :--- त्याग , दया व
करुणेचे प्रतीक .
४) याचे प्रमाण उभे ५० सें . मी . व आडवे ७० सें . मी . आहे .
५) हा ' धम्मध्वज ' बौध्द जनांनी
आपले घर , विहार , स्मारक , भवन , धमिम परिषद , धम्म लभेचा मंच धम्म उत्साहाचे स्थळ इत्यादी ठिकाणी सर्वांत उंच असेल असा फडकवावा .
हा ' धम्म ध्वज ' बुध्द पोर्णिमा ' , धम्मचक्र प्रवर्तन दिन , धम्मक्रांती दिन व धम्म परिषदांचे वेळी ध्वजस्तंभावर फडकवून वंदना करावी .
प्रत्येक बौध्द व्यक्तिने धम्म ध्वजाचा सन्मान व अभिमान बाळगावा .
धम्मध्वज वंदना (मराठी अनुवाद )
वज्रासारखा अभेद देह धारण करणाऱ्या भगवान बुद्धाच्या डोक्यावरील व दाढीवरील केसातून व डोळ्याच्या नीलस्थानातुन प्रभावित होणारा निळा रंग , समुद्र , धरती व आकाशात व्यापून राहीला आहे ।।१।।
वज्रासारखा अभेद देह धारण करणाऱ्या भगवान बुद्धाच्या पिवळसर त्वचेतून व डोळ्यातील पिवळ्या स्थानातून प्रभावित होणार पिवळा रंग , समुद्र , धरती व आकाशात व्यापून राहीला आहे ।।२।।
वज्रासारखा अभेद देह धारण करणाऱ्या भगवान बुद्धाच्या मांसातील व डोळ्यातील रक्त वर्ण स्थानांतील आणि रक्तातून प्रभावित होणारा लाल रंग , समुद्र , धरती व आकाशात व्यापून राहीला आहे ।।३।।
वज्रासारखा अभेद देह धारण कराणाऱ्या भगवान बुद्धाच्या दातांतून , अस्थितून , डोळ्यातील पांढऱ्या स्थळांतून प्रभावित होणारा शुभ्र रंग , समुद्र , धरती व आकाशात व्यापुन राहीला आहे ।।४।।
वज्रासारखा अभेद देह धारण करणाऱ्या भगवान बुद्धाच्या निरनिराळ्या अवयवात मन प्रभावीत होणारा केसरी रंग , समुद्र , धरती व आकाशात व्यापून राहीला आहे ।।५।।
वज्रासारखा अभेद्य देह आणि वरील रंगानी परिपूर्ण असलेल्या अनंतामध्ये फडकणाऱ्या व सदैव मनोहर दिसणाऱ्या भगवान बुद्धाच्या धम्मध्वजाला आम्ही काया , वाचा व मनाने वंदन करतो ।।६।।
सर्व धम्म बांधवाना-भगिनींना जागतिक धम्मध्वज दिनाच्या हार्दिक मंगलमय कामना.......
जयभिम 🙏🙏🙏
नमो बुद्धाय 🌹🌹🌹
No comments:
Post a Comment